NARODNA MUZIKA – makedonska tradicionalna muzika sozdavana i praktikuvana niz povekjevekovni periodi vo minatoto. Toa e glavno muzika shto bila povrzana so zhivotot vo selskite sredini. Vo ⅩⅠⅩ v. zapochnal pointenzivniot razvoj na gradskata narodna kultura, a vo nejzinite ramki i tradicionalnata gradska muzika. Taa bila sozdavana na voobichaeniot tradicionalen nachin, po usten pat i anonimno, sè do pedesettite godini od minatiot vek, a potoa sè povekje se srekjavaat avtorizirani pesni od avtori-poedinci. Muzikata od ovie dva perioda, sozdavana vo razlichni uslovi na zhiveenje, ima karakteristichni razliki, kako spored funkcijata, taka i spored stilskite i vkupnite estetski osobenosti. Kaj selskiot muzichki folklor dominiraat zhenskite obredni pesni, vo koi, pokraj ednoglasjeto, poseben beleg pretstavuva dvoglasnoto bordunsko peenje. Nego go karakteriziraat ednoobraznosta i ogranichenite strukturi na izraznite elementi: prostorot na melodiskoto dvizhenje, formata, tonskite nizi, metroritmikata i sl. Slichni odliki ima i instrumentalnata selska muzika, vo koja najchesto se praktikuvalo muziciranje na samopravskite instrumenti: gajdi, kavali, shupelki, duduci, tamburi, zurli, kemeninja (guslinja) i sl. Za karakteristikite na gradskiot muzichki folklor vo Makedonija, pak, presudna uloga imale dijametralno izmenetite uslovi na zhiveenje vo gradskite sredini, a pred sè razvienite i intenzivni komunikacii, koga pokraj megjusebnite vlijanija vo ramkite na multinacionalniot sozhivot, so svojata mestopolozhba Makedonija se nashla vo centarot na izrazitite kulturni vlijanija od Zapadna Evropa kon Istok i obratno. Ottamu proizlegla i golemata raznovidnost, visokiot estetski dostrel i bogatstvoto kaj makedonskite pesni i svirki shto se proslavija nadaleku vo svetot. I pokraj toa shto makedonskiot muzichki folklor vo najgolema mera go odrzha kontinuitetot so nekoi od starite makedonski stilovi na muziciranje, del od melodiite bea sozdadeni pod evidentno orientalno vlijanie, drugi pod vlijanie na zapadnoevropskite tradicii, a kaj treti makedonskite elementi se izmeshani so ednoto i drugoto vlijanie. No vlijanijata sepak go chinat pomaliot del od bogatstvoto na makedonskiot muzichki folklor. Tie pretstavuvaat del od melodiskite granki shto se nakalemeni na cvrstoto makedonsko avtohtono steblo shto e samobitno i po svoite posebnosti lesno prepoznatlivo. GJ. M. GJ.
Кирилична верзија на написот
НАРОДНА МУЗИКА