MANAKI, Janaki (s. Avdela, Kostursko, 1878 – Solun, 1948) – fotograf i, zaedno so postariot brat Milton, prvi balkanski filmski snimateli (od vlashko poteklo). Gi zavrshil Osnovnoto romansko uchilishte vo rodnoto selo i Romanskata gimnazija vo Bitola, so osoben interes za crtanjeto, kaligrafijata i fotografijata. Potoa bil nastavnik po kaligrafija i crtanje vo Romanskata gimnazija vo Janina, kade shto zaedno so brat mu Milton otvoril i foto-atelje (1898). Po andartskoto palenje na rodnoto selo, zaedno so brata si, se preselil vo Bitola (1905), kade shto otvorile „Atelje za umetnichka fotografija“. Od London ja kupile filmskata „Kamera 300“ (1905), so koja go snimile prviot dokumentaren film „Tkajachki“ (za dejnosta na zhenite vo nivnoto semejstvo: vlachenje na volnata, predenje, snovenje i tkaenje). Zaednichki registrirale i niza znachajni nastani i momenti od sekojdnevjeto vo dokumentarnite filmovi „Vlashkoto uchilishte vo Avdela ili Uchilishte na otvoreno“ (1905), „Proslavata na GJurgjovden“, „Makedonski ora“, „Vlashka svadba“, „Makedonska svadba vo Bitolsko“, „Vlasi nomadi – Karakachani“, „Represii vrz makedonskoto naselenie vo Bitola“, „Proslavata na Sv. Kiril i Metodij“ (1905–1908), „Panagjur kaj Sveta Nedela vo Bitola i vo drugi mesta“ (1907), „Besenjeto na Ilindenci“ (1908), „Sultanot Mehmed Reshad vo Solun i vo Bitola“ (1911) i dr. Po bugarskata okupacija na Bitola bil interniran vo Bugarija (1916). Po vrakjanjeto, zaedno so bratot Milton, vo Bitola otvoril kino (1918). Podocna se preselil da zhivee vo Solun (1935), kade shto i pochinal. Zachuvan e golem del od ostavninata od fotografii i filmski materijali – okolu 100 kratkometrazhni filmski zapisi i reportazhi so okolu 1.600 metri filmska lenta od 35 mm, 18.513 foto-negativi i 17.854 fotografii. LIT.: Tvoreshtvoto na brakjata Manaki, Skopje, 1996. S. Ml. Milton Manaki
Кирилична верзија на написот
МАНАКИ, Јанаки