MILJOVSKI, Kiril (Resen, 27. Ⅴ 1912 – Skopje, 27. Ⅳ 1983) – ekonomist, univ. profesor, nauchen istrazhuvach, opshtestvenik, diplomat, akademik. Osnovno obrazovanie zavrshil vo rodniot grad, sredno obrazovanie vo Ohrid i vo Bitola (1931), a diplomiral na Veterinarniot fakultet na Univerzitetot vo Zagreb (1939). Za profesor na Zemjodelsko-shumarskiot fakultet vo Skopje e izbran vo 1947 g., na Ekonomskiot fakultet vo Skopje vo 1950 g., kade shto ostanuva do penzioniranjeto (1981). Na dodiplomskite studii na Ekonomskiot fakultet vo Skopje gi predaval predmetite politichka ekonomija i razvoj na ekonomskata misla, a na postdiplomskiot studium „Ekonomski razvoj i metodi na ekonomskata analiza“ predaval materija od oblasta na regionalniot razvoj i nedovolno razvienite podrachja. Izvrshuval znachajni i odgovorni opshtestveno-politichki funkcii: bil uchesnik vo NOB, chlen i sekretar na ASNOM, a potoa i chlen na Prezidiumot na ASNOM, prv pretsedatel na Planskata komisija na NRM, republichki javen obvinitel, minister za trgovija i snabduvanje vo Vladata na Makedonija, prv rektor na Univerzitetot „Sv. Kiril i Metodij“ vo Skopje (vo dva mandata), redoven chlen na MANU od nejzinoto formiranje (1967), sekretar na Oddelenieto za opshtestveni nauki i chlen na Pretsedatelstvoto na MANU, ambasador na SFRJ vo Danska i vo Bugarija, pratenik od SRM vo Sojuznoto sobranie, chlen na Ekonomskiot sovet na Vladata na SFRJ. Bil osnovach i prv glaven i odgovoren urednik na sp. „Stopanski pregled“, prv pretsedatel na Nauchnata sekcija na Sojuzot na ekonomistite na Jugoslavija, chlen na redaciskiot odbor na sp. „Ekonomist“, prv glaven i odgovoren urednik na „Prilozi“ na Oddelenieto za opshtestveni nauki vo MANU, glaven i odgovoren urednik ili chlen na redakciski odbori na povekje drugi spisanija („Nash vesnik“, „Naroden glas“, „Ilindenski pat“, „Scientia Ѕugoslavica“ i dr.). Avtor e na povekje od 170 nauchni i struchni trudovi – knigi, uchebnici, nauchni proekti, monografii i statii objaveni vo brojni spisanija vo SFRJ. Pod negovo rakovodstvo (mentor ili chlen vo komisija) mnozina ekonomisti se steknaa so diplomi za magisterska ili doktorska titula. Bil rakovoditel na brojni i znachajni nauchni proekti (ili chlen na rabotni timovi) od razlichni domeni. Negovata nauchnoistrazhuvachka rabota e realizirana vo povekje oblasti na ekonomskata nauka i stopanskata praktika (ekonomska teorija, stopanska istorija, stopanski sistem i ekonomska politika, stopanski razvoj, regionalen razvoj, naselenie i rabotna sila, razvoj na ekonomskata misla i sl.), no i vo odredeni neekonomski oblasti (nacionalnata istorija na Makedonija, sociologijata, etnologijata, kulturata i dr.). Dal pridones za razvojot na disciplinite shto gi predaval na Ekonomskiot fakultet vo Skopje, za sozdavanjeto visokostruchni i nauchni kadri od domenot na ekonomijata, za razreshuvanjeto na brojni problemi vo ekonomijata na SRM i na SFRJ, za afirmacija na makedonskata nacija i drzhavnosta na Makedonija, za razvojot i afirmacijata na MANU i na Univerzitetot, kako i na Ekonomskiot fakultet vo Skopje, a kako eden od osnovopolozhnicite na ekonomskata nauka vo Makedonija po Vtorata svetska vojna pridonel i za razvojot na ekonomskata misla vo nashata zemja. BIB.: knigi i uchebnici: Makedonskoto prashanje vo nacionalnata programa na KPJ (1919–1937),Skopje, 1962; Problemi na teorijata i politikata na nedostatno razvienite podrachja vo Jugoslavija, Skopje, 1974; Koncepcija za regionalniot razvoj na SR Makedonija, Skopje, 1975; Osnovite na regionizacijata i konturite na idnite regioni vo SR Makedonija, Skopje, 1977; Stopanskiot razvitok na opshtinata Resen (koavtor i redaktor); Razvojot na ekonomskata mis-la, Skopje, 1981; poznachajni nauchni proekti (rakovoditel): Polozhbata na trgovijata vo Makedonija na preminot vo ⅩⅩ vek (1949); Ulogata na tutunot za stopanstvoto na Makedonija (1954); Koncepcija za dolgorochniot regionalen razvoj na Makedonija (1974-75); Prostorno planiranje vo Makedonija; Neramnomerniot regionalen razvoj vo ekonomskata teorija i praktika (1979); Naselenieto i opshtestveno-ekonomskiot razvoj na SR Makedonija do 2000 godina (1978–1980); Stopanskiot razvitok na Makedonija megju Prvata i Vtorata svetska vojna (nedovrshen). LIT.: Nikola Uzunov, Pridonesot na Kiril Miljovski za ekonomskata nauka i makroekonomskata politika vo Makedonija, MANU, Skopje, 2003. M. S.
Кирилична верзија на написот
МИЉОВСКИ, Кирил